Rodūšūs dorbu konkurss veļteits Latgolas patriotam i dzejnīkam Ontonam Slišānam

Dzejnīks, rakstnīks, folklorists, nūvodpietnīks i muokslinīks Ontons Slišāns ir zīmas saulgrīžu bārns, dzims 28. decembrī, bet vuordadīnu svieteja 18. janvarī. Itys laiks Ontonam beja rodūšais laiks, kod jis sovu aktivū darbeibu veļteja Zīmeļlatgolai. Raudzeisim sajust Ontona Slišāna goru – pīsadolūt rodūšūs dorbu konkursā.

Mierkis: aplīcynuot pīdareibu i mīleisteibu sovam dzymtajam nūvodam i styprynuot latgaliskū kulturidentitati.

Organizators: Namaterialuos kulturas montuojuma centrs „Upīte”.

Daleibnīki: Latgolys nūvoda školu školāni i pīaugušī.

Nūtikšonas laiks: 2021. goda 13. decembris – 2022. goda 10. janvars.

Konkursa īdvesmas olūts: Ontona Slišāna dzejūļs:

KOTRU GODU

Kotru godu kaids breinums nūteik.

Div teleišus gūteņa atnas.

Treis jiereņi vuškeņai atskrīn.

Visteņa ūlu bez čaulas izdiej.

Zam ūzula zeiļu pībierst kai dečs.

Vacyns puorstuoj peipiet i olu dzert.

Māmeņa seņgaideitu duovonu nūpierk.

Tieteits nu tierga jaunu mašynu atdzan.

Naktī dabasūs kometu radzu.

Sapynā dīnvydu jyuruos maunu.

Kotru godu kaids breinums nūteik –

I es tuo breinuma gaidu.

Konkursa aizdavumi daleibnīkim:

Kotru godu kaids breinums nūteik…

1.    Rodūšīs dorbs (eseja, miniatura, puosoka i tt. dorbu var raksteit gon latvīšu litaratajā, gon latgalīšu rokstu volūdā – pareizraksteiba natiks viertēta) – puordūmas par breinumu, par naparostuom, bet gaidietuom lītuom, paruodeibuom, sajiutuom, īpaši prīcuosimēs par puosokom;

vacuma grupas:

a.    Leidz 5 godu vacumama (dorbu var īsnēgt rūkrokstā, dorba lelums 0,5 A4 formata lopa)

b.    6 – 9 godi (dorbu var īsnēgt rūkrokstā, dorba lelums 1 A4 formata lopa)

c.    10 – 12 godi (dorbu īsnādz datorrokstā, dorba lelums 1 A4 formata lopa)

d.    13 – 15 godi (dorbu īsnādz datorrokstā, dorba lelums 2 A4 formata lopas)

e.    16 – 18 godi (dorbu īsnādz datorrokstā, dorba lelums 3 A4 formata lopa)

f.    Pīaugušī 19+ (dorbu īsnādz datorrokstā, dorba lelums vaira par 3 A4 formata lopom)

2.    Zeimiejumu konkurss “Kotru godu kaids breinums nūteik…” Dorbu formats A3 lopa gleznīceibas (guaša, akvareli, eļļas kreitini) tehnikā.

vacuma grupas:

a)    Leidz 5 godu vacumam

b)    6 – 9 godi

c)    10 – 12 godi

d)    13 – 15 godi

e)    16 – 18 godi

f)    Pīaugušī 19+

Svarīgi: Kotrys daleibnīks var pīsadaleit obejūs konkursūs voi tikai rodūšūs dorbu, voi zeimiejumu konkursā. Kotrys daleibnīks var īsnēgt naīrūbežuotu skaitu sovu dorbu. Vusi īsnāgtī dorbi palīk Upītes muzeja fondūs.

Dorbi juoīsnādz da 2022. goda 10. janvaram, vīnā nu sev ārtuokūs veidu:

1.    Syutūt pa postu: „Rodūšūs dorbu konkurss” Namaterialuos kulturas montuojuma centrs „Upīte”, Akas laukums 1, Upīte, Škilbānu pogosts, Bolvu nūvods, LV-4587

2.    Rodūšū dorbu var īsnēgt ari, syutūt iz e-postu: upites.muzejs@gmail.com

3.    Upītes bibliotekā, Akas laukums 1, Upīte, Škilbānu pogosts, Bolvu nūvods. Nu ūtardīnes leidz sastdīnei, bibliotekas dorbalaikā.

4.    Var izmontuot kuodu nu pakomatīm – Omniva, DPD voi Vinipak, ar sanimšonas vītu Bolvu pylsāta, saniemieju nuruodeit – Andris Slišāns, m.t. 29621058.

Dorbam juodavīnoj:

1.    Rodūšejam dorbam pādejā lopaspusie, zeimiejuma ūtrejā pusie konkursanta Vuords Pavuorde, vacums, muoceibu īstuode voj nūsadorbuošona, školuotuoja/konsultanta Vuords Pavuorde, kontattelepons, e-posts. (daleibnīks snādz iz sevi attīcynojamuos viests).

2.    Aizpildeits pīteikums, kas pīvīnuots pi nūlykuma – īsnādzams tikai elektroniski, syutūt iz e-postu: upites.muzejs@gmail.com

Nūslāguma pasuokums i uzvarātuoju apbolvuošona 2022. goda 18. janvarī Upītē.

Kontakti: Naskaidreibu gadejumā zvaneit voj raksteit whatsapp: Andris Slišāns 29621058 voi Ligitai Spridzānei 29868786, voi raksteit upites.muzejs@gmail.com.

KOMENTĀRI

(vārds) Ieraksti rezultātu

SADAļU ATBALSTA:

 
Ceļojumu un atpūtas piedāvājumi:
Atpūtas un ceļojumu piedāvājumi 23.03.2024 - 29.03.2024 Ceļš uz sakārtotu ķermeni un prātu! Via Vitalité
Via Vitalité ir četru zvaigžņu svara korekcijas un labsajūtas centrs Aizputē. Piedāvājam programmas "Pamata","Exstra","Relax". Zvaniet +371 20 605 553 | Skatīt vairāk
Latvija no 145 EUR
Atpūtas un ceļojumu piedāvājumi 21.03.2024 - 03.04.2024 “Mājas kafejnīcu dienas 2024”. Piesakies! Tukuma TIC
Aicinām Tukuma novada aktīvos ļaudis, kam patīk gatavot un uzņemt viesus iesaistīties arī šogad akcijā "Mājas kafejnīcu dienas 2024"! | Skatīt vairāk
Atpūtas un ceļojumu piedāvājumi 20.03.2024 - 29.03.2024 Lielās piektdienas pārgājiens Līgatnē! Cēsu TIC
Aicinām pieteikties atraktīvajam Lielās piektdienas pārgājienam caur Līgatnes mežiem! Gaidāmi pārsteigumi un atrakcijas! | Skatīt vairāk
3 EUR
Atpūtas un ceļojumu piedāvājumi 27.03.2024 - 02.04.2024 Lieldienu brīvdienas Liepājā Liepājas reģiona TIB
Gaidot pavasari, Liepāja priecēs ar Lieldienu rotājumiem – svētku olām un čivinošiem putniem, kā arī lielus un mazus aicinās uz svētku pasākumiem. | Skatīt vairāk

Par mums / about us | Ētikas kodekss | Reklāma un Sadarbība | Kontakti | Autortiesības | Partneriem
All rights reserved © 2002 - 2024 BalticTravelnews.com | Design & maintenance © 2000 - 2024 1st-studio.com

 
Total Timed::3.32056212sec.