Latgalīšu kulturys kusteiba “Volūda” aicynoj jaunīšus pīsadaleit latgaliskajā seminarā “Atzolys”, kas nu 6. da 9. augusta paradzāts Dagdā. Tymā varēs pīsadaleit jaunīši vacumā nu 16 da 21 goda, lai vuiceitūs latgalīšu rokstu volūdu, īpasazeitu ar myusdīnu Latgolys personeibom i procesim, izzynuotu regiona kulturviesturi i ituos šaļts īspiejis jaunīšim.
Jaunīšu seminars “Atzolys” paradzāts nu 2024. gods 6. da 9. augusta Kruoslovys nūvoda Dagdā. Seminarā pīsadaleit varēs jaunīšu nu 16 da 21 goda ar interesi vuiceitīs latgalīšu rokstu volūdu, runuot latgaliski, īpazeit latgaliskū kulturu i vierteibys, lai styprynuotu sovu identitati, byutu zynūši par procesim, nūtikšonom i personeibom Latgolā i latgaliskajā kulturā, iz prīšku poši vaira īsasaisteitu piļsūniskuos sabīdreibys veiduošonā, kai ari socializātūs, veiduotu jaunus kontaktus, satureigi pavadeitu laiku, īsadvesmuotu nu Latgolā aktivūs ļaužu i vaira izzynuotu Dagdu, tuos apleicīni i aktivūs dareituojus.
Reklāma
Pyrmū reizi seminars “Atzolys” nūtyka 2004. godā Ludzys nūvoda Kuorsovā, īprīškejais – 2022. godā – beja Bolvu nūvoda Rekovā, bet itūgod jaunīšu sasatikšona byus Dagdā. “Atzolys” sovulaik bejs kai atspierīņa punkts ari daudzim itūšaļt latgaliskajā kulturtelpā zynomajim aktivistim vaira izzynuot i īsasaisteit kulturys i sabīdryskajūs procesūs.
“Piec Rekovā nūtykušuo seminara nu jaunīšu sajēmem cīši lobys atsauksmis i īdviesmi, kai ari vēļ arviņ ar daudzim nu jūs sasateikam pasuokumūs, jī īsasaista “Volūdys” i cytuos latgaliskajuos aktivitatēs, atbolsta nūtikšonys.
Vairuokim jaunīšim seminars beja motivaceja vyspuor suokt voi kasdīnā vaira runuot latgaliski, par kū asam cīši, cīši prīceigi. Juotur nūceja, ka tai saīs ari piec sasatikšonys Dagdā,” soka latgalīšu kulturys kusteibys “Volūda” vadeituoja Edeite Laime.
Ar jaunīšim seminarā struoduos: latgalīšu rokstu volūdys nūdarbeibys pasnēgs latgalīšu rokstu volūdys specialiste Māra Mortuzāne-Muravska, improvizacejis nūdarbeibys vadeis pasuokumu vadeituojs i improvizators Kozmens (Mārtiņš Kozlovskis), par Latgolu i latgaliskū marketingā stuosteis uzjiemiejs i zeimyna “Latgalactica” radeituojs Raimonds Platacis, raidīrokstu veiduošonys praktiskū darbneicu vadeis jaunīšu raidejuma “Pīci breinumi” komanda, par Latgolys informativū telpu runuos raidejumu veiduotuoja Vladislava Romanova, ar latgalīšu volūdys lītuošonu i vajadzeibu digitalajūs reikūs īpazeistynuos projekta “Bolsu tolka” puorstuove Kristīne Pokratniece, rodūšuos darbneicys vadeis dizainere Liāna Merņaka-Ņikitina, taipat seminarā gasteis ari cyti lektori, aktivisti i latgalīšu kulturys personeibys.
Vysys seminarā paradzātuos aktivitatis, ādynuošona i nakšņuošona byus bezmoksys, dalinīkim pošim tik juonūdrūsynoj tikšana iz i nu seminara. Kab pīsadaleitu seminarā, jaunīšim da 10. juņa juoaizpiļda dasacejuma anketa ite: https://ej.uz/Atzolys2024. Apstyprynuojumu par pīsadaleišonu seminarā reikuotuoji nūsyuteis da 14. juņa, jemūt vārā daleibīku motivaceju pīsadaleit.
Seminara nūtikšonu finansiali pabolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu, kai ari Latgolys kulturys programa, kurū eistynoj Latgolys regiona atteisteibys agentura ar Vaļsts kulturkapitala fonda mierkprogramys “Latviešu vēsturisko zemju attīstības programma” atbolstu. Seminara reikuotuojs – latgalīšu kulturys kusteiba “Volūda” (bīdreiba “LgSC”).
Videoklips-seminarā radeituo dzīsme nu īprīškejuos reizis “Atzolu”: apvīneiba “Atzolīši” pīsad. Ūga – “Zalts sudobra vītā” https://www.youtube.com/watch?v=KmHCtHra9uc
Latgaliskais seminārs jauniešiem “Atzolys” šovasar notiks Dagdā
Latgaliešu kultūras kustība “Volūda” aicina jauniešus piedalīties latgaliskajā seminārā “Atzolys”, kas no 6. līdz 9. augustam notiks Dagdā. Tajā varēs piedalīties jaunieši vecumā no 16 līdz 21 gadam, lai mācītos latgaliešu rakstu valodu, iepazītos ar mūsdienu Latgales personībām un procesiem, izzinātu reģiona kultūrvēsturi un šī brīža iespējas jauniešiem.
Jauniešu seminārs “Atzolys” paredzēts no 2024. gada 6. līdz 9. augustam Krāslavas novada Dagdā. Seminārā piedalīties varēs ajunieši no 16 līdz 21 gadu vecumam ar interesi mācīties latgaliešu rakstu valodu, runāt latgaliski, iepazīt latgalisko kultūru un vērtības, lai stiprinātu savu identitāti, būtu zinoši par procesiem, notikumiem un personībām Latgalē un latgaliskajā kultūrā, turpmāk paši vairāk iesaistītos pilsoniskās sabiedrības veidošanā, kā arī socializētos, veidotu jaunus kontaktus, saturīgi pavadītu laiku, iedvesmotos no Latgalē aktīvajiem cilvēkiem un vairāk izzinātu Dagdu, tās apkārtni un aktīvos darītājus.
Pirmo reizi seminārs “Atzolys” notika 2004. gadā Ludzas novada Kārsavā, iepriekšējais – 2022. gadā – bija Balvu novada Rekovā, bet šogad jauniešu satikšanās būs Dagdā. “Atzolys” savulaik ir bijis kā atspēriena punkts arī daudziem šobrīd latgaliskajā kultūrtelpā zināmiem aktīvistiem vairāk izzināt un iesaistīties kultūras un sabiedriskajos procesos.
“Pēc Rekovā notikušā semināra no jauniešiem saņēmām ļoti labas atsauksmes un iedvesmu, kā arī vēl arvien ar daudziem no viņiem satiekamies pasākumos, jaunieši iesaistās “Volūdas” un citās latgaliskajās aktivitātēs, atbalsta pasākumus. Vairākiem jauniešiem seminārs bija motivācija vispār sāt vai ikdienā vairāk runāt latgaliski, par ko esam ļoti, ļoti priecīgi. Jācer, ka tā izdosies arī pēc satikšanās Dagdā,” saka latgaliešu kultūras kustības “Volūda” vadītāja Edeite Laime.
Ar jauniešiem vasaras seminārā strādās: latgaliešu rakstu valodas nodarbības vadīs latgaliešu rakstu valodas speciāliste Māra Mortuzāne-Muravska, improvizācijas nodarbības vadīs pasākumu vadītājs un improvizators Kozmens (Mārtiņš Kozlovskis), par Latgali un latgalisko mārketingā stāstīs uzņēmējs un zīmola “Latgalactica” radītājs Raimonds Platacis, raidierakstu veidošanas praktisko darbnīcu vadīs jauniešu raidījuma “Pīci breinumi” komanda, par Latgales informatīvo telpu runās raidījumu veidotāja Vladislava Romanova, ar latgaliešu valodas lietošanu un vajadzību digitālajos rīkos iepazīstinās projekta “Bolsu tolka” pārstāve Kristīne Pokratniece, radošās darbnīcas vadīs dizainere Liāna Merņaka-Ņikitina, tāpat seminārā viesosies arī citi lektori, aktīvisti un latgaliešu kultūras personības.
Visas seminārā paredzētās aktivitātes, ēdināšana un nakšņošana būs bezmaksas, dalībniekiem pašiem vien jānodrošina tikšana uz un no semināra. Lai piedalītos seminārā, jauniešiem līdz 10. jūnijam jāaizpilda pieteikuma anketa te:
https://ej.uz/Atzolys2024. Apstiprinājumu par piedalīšanos seminārā rīkotāji nosūtīs līdz 14. jūnijam, ņemot vērā dalībnieku piedalīšanās motivāciju.
Semināra norisi finansiāli atbalsta Sabiedrības integrācijas fonds no Kultūras ministrijas piešķirtajiem Latvijas valsts budžeta līdzekļiem, kā arī Latgales kultūras programma, kuru īsteno Latgales reģiona attīstības aģentūra ar Valsts kultūrkapitāla fonda mērķprogrammas “Latviešu vēsturisko zemju attīstības programma” atbalstu. Semināra rīkotājs ir latgaliešu kultūras kustība “Volūda” (biedrība “LgSC”).
.png "Izdota Bauskas novada tūrisma himna Bauskas TIC")
