Latgalīšu gruomota – vīna nu skaistuokūs 2011. godā

Autors: Ilze Sperga
Avots: www.lgsc.lv

Prīceiga ziņa – Latgolys Studentu centra izdūtuo gruomota “Es soku, tu soki. Puosokys par krīzi“ ir nomineita gruomotu muokslys konkursā “Zelta ābele 2011”. Latgaliski izdūta gruomota ir atzeita kai vīna nu skaistuokūs 2011. goda Latvejis gruomotu i leidz ar cytim konkursā nūsauktajim izdavumim pīsadaleis gruomotu izstuodēs Latvejā i uorpus juos, puorstuovūt reizē i myusu vaļsts, reizē i latgalīšu gruomotnīceibu.

Konkursu “Zelta ābele 2011” reikoj Latvejis Gruomotizdevieju asociaceja. Deveņpadsmit godu laikā gruomotu muokslys konkurss „Gada balva grāmatniecībā” (da tuo “Skaistākā grāmata”) ir izaudzs par lelu pasuokumu, kas ceļ nūzaris prestižu, veicynoj izdevieju profesionalū izaugsmi i pīsaista plašys sabīdreibys viereibu gruomotom. Pa itim godim konkursā pīsaceita 1581 gruomota.

Itymā godā konkursā “Zelta ābele” 34 izdevieji beja pīsacejuši 95 gruomotys i kalenderus (saleidzynuojumam – pārņ 29 izdevieji ar 85 izdavumim). Gruomotys viertēja žurejis komiseja itaidā sastuovā: Austra Avotiņa, Ieva Bečere, Ingrīda Burāne, Aleksandrs Busse, Aleksejs Naumovs, Kārina Pētersone, Uldis Sosnovskis, Ojārs Spārītis, Ruta Svaža.

Nomineituos gruomotys varēs apsavērt vairuokuos izstuodēs:
- Baļtejis gruomotu muokslys konkursā Viļņā Baļtejis Gruomotu svātku laikā, 23. februars
- Latvejis Gruomotu izstuodē Kīpsolā, 1.- 4. marts
- Reigys Centralajā bibliotekā, 5. – 31. marts (piec tam gruomotys tiks eksponātys vysaiduos RCB filialēs da goda beigu)
- Gruomotu sātā “Valters un Rapa”, 12. marts – 11. apreļs
- Latvejis Nacionaluos bibliotekys Elizabetis īlys lūgūs, 3. – 30. apreļs.

Gruomotys tiks eksponātys ari Frankfurtis i Leipcigys gruomotu godatiergūs vuocu gruomotu muokslys fonda organizātajā ekspozicejā.

Tradicionalais skaiteituoju bolsuojums portalā “Delfi” nūtiks nu 5. marta leidz 9. apreļam. Apsaver ituos gruomotys i viertej pats!

Pylns nominietūs gruomotu saroksts tiks atkluots presis konfereņcē 29. februarī 11:00 stuņdēs Bazneicys īlā 37 – 3, Reigā.

Konkursa nūslāguma ceremoneja byus 11. aprelī 17:00 stuņdēs.

Konkursu atbolsta Kulturys ministreja, VAS “Latvijas dzelzceļš”, Vaļsts kulturkapitala fonds, Jelgovys tipografeja, Arctic Paper Baltic States, SIA “Anatalis”, Iļģucīma maizneica konditoreja. Informej “Delfi”, “Diena”, radeja “NABA”.

Par rakstu pārpublicēšanas noteikumiem lūdzam kontaktēties ar Travelnews.lv redakciju.

Citi raksti par šo tēmu:

30. novembris vēsturē: Atklāj Latvijas Nacionālo teātri (26.11.2021)

29. novembris vēsturē: Atklāj ebreju memoriālu Rumbulā (28.11.2023)

Investējot vairāk nekā pusmiljonu eiro, McDonalds atklāj rekonstruētu restorānu un jaunu McCafe (26.11.2024)

Latvijas ēdināšanas nozare kritiski vērtē priekšlikumu obligāti nodrošināt bezmaksas krāna ūdeni patērētājiem (26.11.2024)

Rīga uz trim dienām starptautiskās uzmanības centrā – mašīnbūves un metālapstrādes nozares flagmaņi izstādē “Tech Industry”! (26.11.2024)